朱茵愛「妹」心切指住嚟鬧

[align=center][img=400,600]http://simg.sina.com.hk/cp/0/0072/8230/2/p.jpg[/img][/align][align=center]朱茵與陳法蓉情同姊妹，不時分享閨密戀事。[/align]【東方日報專訊】陳法蓉在圈中有不少好姊妹，朱茵是其一，二人合作無間，早在93年首次合作無綫劇集《龍兄鼠弟》時認識，可謂一見如故：「我一開始就鍾意佢，因為佢感覺大方，待人友善，內外都靚，美貌與智慧並重，係我認為最有代表性嘅香港小姐。」
當年初出道的朱茵，最記得有次去馬來西亞宣傳，她怕搭飛機，法蓉在旁一直拖着她的手，朱茵笑言：「嗰陣覺得佢真係一個好strong嘅姐姐，好識照顧人。嗰陣同萬梓良合作，我見到萬子哥呢啲前輩就有啲驚，每次都係佢嚟解圍，但係同佢熟咗，就由有智慧嘅大姐姐逆轉成我個妹咁！」
做了法蓉閨中密友，朱茵陪她經歷不少感情起跌，看着好姊妹用情太深，有時甚至傷害自己：「只有我可以指住嚟鬧佢，我同蔡少芬、法蓉都係好姊妹，但我唔會太擔心蔡少芬，因為少芬夠硬淨，但法蓉就有時會後悔，我係理智戰勝感情嘅人，法蓉好重感情，我敢話如果我殺咗人，佢一定會窩藏我，唔會爆我出嚟！」
好姊妹的感情生活大多有着落，但法蓉至今仍掛單，朱茵坦言：「只係佢一直未遇到Mr.Right啫，佢諗童話式愛情諗得太多喇，我都期待一個識得用陳法蓉方式錫佢嘅Mr.Right出現。」