鬼偷聽鬼故

鬼偷聽鬼故
鬼偷聽鬼故 有人話如果圍埋一齊講鬼故，千祈唔好輪住講，因為鬼係好鐘意聽鬼故，聽聽o下仲會講埋鬼故比你聽。好似Tess同三個朋友一齊去東堤玩時，就曾經被鬼偷聽佢o地講鬼故。 當時佢o地以非常平o既價錢o向東堤租o左一間隻有一個房間o既度假屋住。玩到深夜兩三點時，其中一個朋友Tracy建議講鬼故：「圍埋一齊講鬼故啦！冇咁驚呀！」 於是四個人就圍成一個圓圈講鬼故，將所有燈熄曬，隻係開著一個電筒。大傢越講越驚，一個講紅衣女鬼、另一講炭燒兇靈、一個就講張保仔鬼魂，仲有人講長洲大屋紅梅怪事…… 「咪住！」 「Tracy你明明未講o架？但係點解會有四個故仔o架？邊個講多o左一個呀？」 大傢你望我我望你，講過鬼故o個三個都擰頭話冇講多。不過大傢突然發覺就o係Tracy同Tess中間竟然坐多o左個陌生人，佢慢慢咁舉手話：「燒炭個鬼故我講o架！故事個主角都係我！」嚇到四個女仔鞋都著唔切就衝出碼頭，坐到天光先敢叫房東幫佢執o野返香港，從此以後都唔敢再o黎長洲