2012-5-15 09:04
wilson015
【轉貼】大埔梅樹杭公園內的廢屋
係大埔住 ge 人，或你係鐘意踏單車，相信你都會經過或去過呢個公園，其實呢
個公園真係好靚，但係美麗背後，你有無發現一間廢屋係公園裏面呢？而呢間屋
曾有過一個恐佈 ge 故事發生。
公園可以分成幾種用途，日頭可以供人休息，小孩遊戲，但係睌上，又係情人談
心 ge 好地方，但係大埔梅樹杭公園除 o左 以上 ge O野 之外，仲有一種活動，
唔係個個公園都有，就係黑夜探險，因為公園內有一間廢屋，傳說係有果 d o野
…，但係有一睌，有兩位大胆青年人，就 o係 睌上夜探呢一間廢屋，呢間屋分兩
層，仲有一個地下室，一樓己經破爛，可以 o係 地下望到上去，而最神祕及最
值得去，隻有果個地下室，於是呢兩位青年人帶瞭電筒，穿過草叢去到呢間屋，
一入去，隻見四周圍都係雜草同好多神主牌，但無影響呢兩個人，佢地兩人一步
一步咁行落地下室樓梯，又一級一級咁行落去，最後行到落地下室，乜都無發現
，隻係有一 d 枱同雜物，咁佢兩人就放心咁轉身離開，就 o係 呢一個時侯，佢
兩個人同一時間聽到，一把老人傢 ge 聲音 ..... 唔該你地幫 o下 我，我想返
屋企，唔好留低我一個人 o係 呢度 。兩位年青人，係好清楚佢身處的地下室
係無人 o係 度，但點解會有聲？呢個時候兩人隻有一個諗法，就係走 ... 之後佢
地兩人一齊跑，跑呀跑，直到出瞭大屋，到瞭公園出面，兩個人先停下來，當時
係四點幾左右，己經有幾個晨運客在公園內，咁兩人先放心小小咁離開公園，而
o係 呢個時候一位晨運客走去佢兩人身邊，對佢地講 你兩個都唔係好心人 ，
之後就轉身走瞭，當時兩人都唔知個晨運客講乜，直到幾日後，佢地睇到報紙上
一段報道：一名晨運客在梅樹坑被殺，並將屍體放於公園一廢屋地下室數十日才
被發現，相信係非法入境者行刼所為，而當佢地睇到果位死者相片時，竟然係當
日同佢講 o野 ge 晨運客 ........