真人真事~細個時既怪事(黑紙鳶)

到依傢我仲記得好清楚~細個果陣~咁我住係唐樓果d屋~而且仲有天臺果d~咁有一日我同我表姐係度玩~下午黎~
咁玩玩下~有隻全黑色既紙鳶飛左入黎~咁大傢都知~細個見到理d野會好好奇嫁啦~會行埋去拎起隻紙鳶~
一拎起上身~我表姐即刻好大聲叫我掉左佢~唔好再掂~我果陣都唔知咩事~之後就聽我表姐講~唔掂~
最奇怪就係~我一放低隻全黑色既紙鳶之後~隻紙鳶自己識飛走左...
果日之後~我有幾次發左一個相同既夢~係我自己飛左上天花板度~我做咩玩咩我屋企人都唔見我~同埋身上面有好多瘀傷~唔知係邊黎~
有日我婆婆公公成傢人叫我同我哥表姐去鄰居果邊玩~仲話聽到屋企有咩聲都唔好行過黎~咁好啦~我聽左之後就好乖咁同表姐佢鄰居到~
我仲記得我係咁問個鄰居嬸嬸點解公公婆婆唔比我返屋企~但個嬸嬸隻係同我講左句:一陣間就冇事~你要乖乖地聽公公佢地話)
之後到左夜晚10點幾到公公婆婆接返我地返去~返到去我最記得就係屋企亂到好似打風咁~咩都爛曬~唔似人做~
到我16歲果陣我問返我婆~我婆同我講返成件事~話我有次訓著左~拍極我都唔醒~每次見親我訓咁耐~我身度就有瘀傷~但明明我冇趺親果d野~
佢問我表姐問我發生左d咩事~之後我表姐講話至從我掂完隻自己飛入黎既黑色紙鳶之後就咁~仲話我成日都覺得好攰同好眼訓果d~
之後我婆講左一句野令我最驚就係~話有晚我訓覺果陣~有個女人企係我身邊~望住我~
果陣我即刻o曬咀~之後我先知度我細個發d飛上天花板出黎玩既夢~係我自己既靈魂真係出左黎玩~~~而且仲搞到一身蟻~

係就係有d長~~但全部都係真人真事~~冇講假野~因為我自己到依傢都仲驚緊~